SYUDAD SANG ROXAS, Capiz, Oktubre 30 (PIA6) -- Nakahanda na ang mga grupo sang mga volunteer diri sa Capiz para sa paghatag ayuda sa mga pumoluyo angot sa pagsaulog sang Todos Los Santos kag Pangalagkalag sa Nobyembre 1 kag 2.
Ginpahayag ni Capiz Volunteer Action Team Secretary Arnel Van Aleligay nga ang ila grupo ang nakahanda na sa paghatag bulig ilabi na para mapatigayon ang maayo nga trapiko kag paghatag sang gilayon nga bulig sa tion sang emerhensya.
Suno pa kay Aleligay nga kaupod sang Provincial Disaster Risk Reduction and Management Council Action Office kag Capiz Emergency Response Team kag iban pa nga mga ahensya sang gobyerno, ginasigahom nila nga mangin matawhay ang pagselebrar sang nasambit nga mga hilikuton diri sa probinsya.
Suno man sa iya nga sining karon lang, nakabaton sila sang direktiba gikan sa National Telecommunications Commission sa pagbulig para sa Oplan Ligtas Biyahe pinaagi sa sa pag-asister agud mangin matawhay ang trapiko kag paghatag sang first aid kag bulig medikal.
Samtang ang PDRRMC Action Office ang magapahamtang sang duha ka mga help desk sa mga mayor nga sementeryo sa Syudad sang Roxas kaupod ang Philippine Red Cross kag iban pa nga mga grupo sang volunteer. (JSC/Jemin B. Guillermo-PIA6 Capiz)
Miyerkules, Oktubre 31, 2012
Mag-subscribe sa:
I-post ang Mga Komento (Atom)
