SYUDAD SANG ROXAS, Capiz, Nobyembre 8 (PIA6) -- Liwat nga nagpanawagan ang Civil Service Commission (CSC) sa mga pampubliko nga talatapan kag mga buluthuan sa pagpatigayon sang seremonya sa flag-raising tagsa ka Lunes.
Ginpahayag ni Capiz CSC Director Attorney Maria Lina Gonzaga nga ang paghiwat sang amo nga seremonya tagsa ka Lunes sang aga ang santo sa Seksyon 18 sang Republic Act 8491 ukon ang Flag and Heraldic Code of the Philippines.
Suno sa iya nga ang pagpasaka sang bandera sang Pilipinas ang dapat himuon sa isa ka simple nga seremonya lakip ang pagkanta sang pungsodnon nga ambahanon tagsa ka Lunes sang aga kag pagpatigayon man sang seremonya sang pagpapanaog sang amo nga bandera tagsa ka Biyernes sang hapon.
Suno man kay Gonzaga nga madamo nga mga pampubliko nga kumbuyahan ang wala na nagapatigayon sang flag-raising kon ang adlaw nga Lunes ang isa ka holiday ukon pyesta opisyal.
Gin-athag niya nga kon ang Lunes ang matuon sa holiday, ang flag-raising ang patigayunon sa masunod nga adlaw pagkatapos sang holiday.
Suno pa kay Gonzaga nga ang paghimo sang seremonya sa flag-raising kag pagkanta sang pungsodnon nga ambahanon ang pagpakita sang respeto, pag-isa, bugal, dignidad kag pagpalangga sang tagsa ka Filipino sa iya nasyon. (JSC/Jemin B. Guillermo-PIA6 Capiz)
Biyernes, Nobyembre 9, 2012
Mag-subscribe sa:
I-post ang Mga Komento (Atom)
